Janiye Sachin aur Anjali ki lovestory

Cricket ke Bhagwan kahe jane wale cricketer Sachin aur Anjali ki love story kisi film ki kahani se kam nahi hai. ye to aap shyad aap jante hi honge ki Sachin Tendulakar ki wife Age me Sachin se karib 6 years bari hai.

Kaha jata hai ki cricket ke maidan me apne Bat ka jalwa dikhane wale sachin asli zindgi me kaafi sarmile kisam ke insaan hai. Aise me ak sarmila insaan kisi ladki se apne Dil ki baat kaise kah sakta tha. isliye Prapoj karne se lekar shaadi ki baat tak ka saara jimma khud Anjali ne uthaya tha.

Sachin Aur Anjali Ki Love Story

Ye kahani uss samaye ki hai jab year 1990 me Sachin apne carrier ke first England tour se wapis India laut rahe the. jis wakt Sachin Mumbai airport pahuche ussi wakt Anjali bhi apni mother ko recieve karne ke liye waha pahuchi thi. Achanak Anjali ki nazar Sachin par pari aur Anjali Sachin ko niharti hi rah gai. ye pal Anjali ki zindgi ka sabse haseen pal saabit hua kyoki unhe Sachin se se pahli nazarwala pyar ho gaya tha.

Sachin ko dekhte hi wo apna Dil haar baithi aur bas air-port par hi sachin se milne ke liye unke piche daur padi. lekin swabhav se sarmile Sachin Anjali ko apne piche daurte dekh kaafi sharma  gaye aur apni car me baithkar chale gaye. iss chakkar me Anjali apni mom ko recieve karna bhi bhool gai. Airport par Sachin ko dekhkar pahli hi nazar me apna dil haar baithne wali anjali ki raato ki neend udd gai thi. wo har haal me sachin se milna aur baat karna chahti thi. iske liye unhone apne dosto ki madad bhi li aur jaise-taise sachin ka phone number haasil kiya. number milte hi Anjali ne Sachin ko phone kiya aur unse baat ki. lekin ye kissa phone tak hi nahi thama aur sachin se milne ke liye Anjali patrakaar bankar interview lene ke bahane Sachin ke ghar pahuch gai.

Anjali ne kiya Sachin ko prapoj

Ghar par bataur patrakaar Anjali ko dekhkar unke gharwale kaafi hairaan hue the, kyoki sachin ki mom ne unhe Anjali se baat karte aur chocolate gift karte hue dekh liya tha. baato aur mulakaato ke iss silsile me Anjali aur sachin ko ak-dusre ko kaafi karib la diya tha. bhale hi anjali ne Sachin ko prapoj kiya lekin sachin bhi unhe chahte the. Anjali sachin se shaadi karna chahti thi lekin sachin iss bare me apne gharwalo se baat karne se dar rahe the. isliye shaadi ki baat karne ka saara jimma Anjali ne khud apne upar le liya. Anjali khud apna rishta lekar sachin ke ghar pahuchi aur five years tak ak-dusre ko date karne ke baad may 1995 me dono sachin aur anjali ne shaadi kar li.

MOST READ

To dosto ye thi Sachin aur Anjali ki love story, Gauratlab hai ki Sachin aur Anjali aaj 2 baccho ke mata – pita hai aur apni family life ko enjoy kar rahe hai. lekin jis tarah se Sachin ko dekhkar pahli najar me hi Anjali apna Dil haar baithi thi aisa to sirf aur sirf filmo me hi hota hai. Dosto mai aapse yahi kahna chahunga ki aap iss love story ko apne friends ke saath jarur share kare. thankss

You May Also Like

6 Comments

Leave a Reply

Your email address will not be published. Required fields are marked *