How To Prepare Competition Exam In Hindi

How To Prepare Competition Exam In Hindi-  Aaj jo mai aapko 5 tarika batane ja raha hu jisse apna kar aap kisi bhi Competition exam ko aasani se crack kar sakte hai, matlab exam nikaal sakte hai. aaplog agar Competition exam ki tyari kar rahe hai to aapko to ye pata hi hoga ki aajkal exam kitna tuff ho gaya hai. to exam nikalne ke liye uss tarah ki mehnat bhi karni hogi aur mehnat ke saath – saath kuch rules ko bhi follow karna hoga.

How To Prepare Competition Exam In Hindi
How To Prepare Competition Exam In Hindi

Agar aap koi bhi Competition exam ki tyari kar rahe honge to aapne koi na koi coaching instuite to jarur hi join kar rakhe honge. par dekhiye hota ye hai ki jitne bhi coaching instuite hai ye aapka course to complete karwa deti hai. par course complete karwane ke alawa bhi bahut saari chije aisi hoti hai jo batai jana chahiye par koi bhi nahi batata.

NOTE :- Friends agar aap competition exam ki prepration kar rahe hai. Tab aapko minimun 6 hours ki daily padhai bahut jaruri hai

Mai aapko 5 chije bataunga aur inn 5 chijo ko aap follow kigye aur yakin maniye aapki jo productivity hai, kam se kam 4 guni badh jayegi. to mai aapka jyada times waste nahi karte hue sidhe points pe aata hu aap niche diye gaye 5 rules ko follow kare.

How To Prepare Competition Exam In Hindi

Rules 1 :-   Get up at 4 am

Sabse pahli chij morning me 4am baje utth jayea. aur jitni jaldi ho sake padhai karna suru kar digye. ab kuch log kahte hai hai ki mai to raat ka prani hu raat me hi padhai kar pata hu. to iss chij ko samajh ligye ki Din bhar me aap 50 tarah ki activities karte hai.

50 tarah ke logo se milte hai to raat hote – hote aapka mind(dimag) itna jyada thak jata hai. ki aapki Dimag ki jo efficiancy hai wo 50-60 % hi bachti hai. aur Competition exam ko nikalne ke liye utni efficiancy pe padhai karne se kuch hone wala nahi hai.

Ab morning me 4 baje utthne ka ak tarika hai. bhai aap raat me kitne baje bhi soiye morning 4 baje jaise hi alarm baje aap uttah ke baith jao. suruaat me paresaani hogi par 5-6 Din ke andar aapko apne aap hi raat me jaldi hi neend aane lag jayegi. 10 pm tak aapko neend aane lag jayegi so jayea aur subah aaram se aap 4 baje utth jayenge. APJ Abdul Kalam sahab jo the wo apni puri zindgi subah 4 baje utthate the. bachpan me jab wo 8 years ke the to subah 4 baje isliye utthate the kyoki unhe newspaper batane jana hota tha.

Aur jab wo president bhi ban gaye tab bhi wo subah 4 baje hi utthate the. to agar zindgi me kuch banana hai to subah 4 baje uthane ki habit bana ligye. aapke upar waise bhi koi jimmewari to hai nahi subah 4 baje utthkar aaram se padhai ki ja sakti hai. aur karna hi chahiye. to ye thi rules no.1 ab next rule ko follow kare.

Rules 2 :- Study 50 minutes and play 10 minutes in hour

Dusri chij jyadatar Competition exams ki jo bacche tyari karte hai wo ye sawal karte hai. kitne ghante padhna chahiye? to iss chij ko samajhiye ki kabhi bhi ghanto me padhai nahi hoti. jab bhi padhai kare 50 minutes padhai kare aur phir 10 minutes ka break le le. aur aisa isliye kyoki insaani Dimag 1 baar me 52 minutes se jyada kisi bhi chij par consantrate nahi kar sakta. isliye ak baar me aap 50 minute padhiye aur phir 10 minute ka break le ligye.

Ab ye jo aap 10 minute ka break loge 50 minute padhne ke baad isme mobile nahi kholna hai. inn 10 minute me aap ak timer lagao 10 minute ka aur iske andar kuch bhi physical work karo. jaise room me jhadu laga di, dusra 10 minute ka jab interval aaya to pocha laga diya. matlab jo bhi karna hai lekin ye jo 10 minute ka jo break hai isme aapko physical work hi karna hai.

NASA ke andar jitne bhi tranining schedule hai wo sabhi issi aadhar par chalte hai. 50 minutes ki class aur 10 minutes ki break jiske andar kuch physical activities ki jayegi. aur ye wali baat aap bhi jante hai aur mai bhi janta hu ki NASA wale jo hai hamlog se bahut jyada aage aur samajhdaar hai.

Rules 3 :- Long Breath

Tishri chij jab bhi aap padhai kare aur aapko mera batai hui baat yaad aa jaye tab aapko ak lamba saans khicna hai aur phir dheere – dheere chor deni hai. ye kaam karne ke baad aapka Dimag ak dam se recharge ho jayega. ab iss chij ko jara sa samajh ligye. dekhiye hamara jo mind hota hai wo 2 chijo par khelta hai.

Pahli chij hai oxigen aur dusri chij hai fraktoj, fraktoj ak prakaar ki sugar hoti hai, yah fruits me milti hai, falo ke ras me aur honey me milti hai. dimag ko jo sakti milti hai wo fraktoj se hi milti hai. aur activities jo hoti hai uski wo oxigen se chalti hai. to jitni baar aap lamba saans khichte ho aapke dimag ki jo bhi thakawat hui hai wo door ho jati hai. aur aap phir se refresh ho jate ho.

Rules 4 :- Inspirational Books and Videos

Rules four yah hai ki inspirational books and videos dekhiye. Dekhiye hota yah hai ki jab aap kisi Competition exam ki tyari kar rahe hote hai to bahut samaye tak kuch bhi nahi hota hai. matlab 2-3-4 years tak kuch bhi nahi hota hai. jo asperty hai wo asperty hi bana rahta hai. log usko bekaar berojgaar kahte hai. phir uss bande ki mehnat jo hai wo sarthak hoti hai aur wo banda jo kal tak bekaar berojgaar tha aaj IAS officer ban jata hai.

Ya Bank PO ban jata hai. yani jab tak tera result nahi aaya tha tab tak tu bekaar berojgaar hai. 2 minute baad jaise hi result announce hua tu IAS officer ho gaya. par ye jo 2-3-4 saal jo hai iske andar jab kuch bhi nahi ho raha hota hai to acche accho ki himmat toot jati hai. himmat bandhi rahe iske liye inspirational books aur videos dekhna hi dekhna chahiye. aur ye jo rule hai ye sabse jyada important hai.

Rules 5 :- Eat Amla Murabba

Sabse last aur paanchwi rule roj 2-3 Amla ka murabba khaiye. Amla ka asli murabba jo hota hai wo honey me banta hai. mummy se boliye mummy bana kar de degi. ab jara sa iski wajah samajh ligye; dekhiye jo log Competition exam ki tyari kar rahe hote hai wo 7-8-9 ghante ki setting de rahe hote hai. jiski wajah se jo sabse pahle nuksaan hota hai wo ye hota hai ki unka pet kharab ho jata hai. aur agar aap Amla ka Murabba khate hai. to kabhi bhi zindgi me aapka pet kharab nahi ho sakta.

Dusri chij Amla ke andar vitamin C sabse jyada matra me hota hai jo har tarah ki saaririk aur manshik thakawat ko door kar deta hai. tishri chij jo ki maine kaha asli amla ka murabba jo hota hai wo honey me banta hai, aur honey is the best source of fraktoj. Dimag aapka fraktoj par hi chalta hai. yani honey jo hai wo aapke mind ko nuclear reactor bana deta hai. chautha aur sabse aakhri fyada Amla ke murabbe me atayadhik matra me antioksident hoti hai.

Jisse aapka consanstrate jo hai ak dam arjun jaisa ho jata hai. yani jab aap padhoge aapka dhyan bilkul bhi nahi bhatkega. iss chij ko bhi samajh ligye ki vitamin C ka main source sirf amla hi hota hai. isliye aapko daily 2-3 amla ka murabba khana hi khana chahiye. aur amla ke murabba ka saath agar aapne thora sa chandi ka work kha liya tab to fir kamaal hi ho jayega. sone pe suhaga kahte hai.

I Hope aapko How To Prepare Competition Exam In Hindi artical pasand aaya hoga. ye thi 5 tricks jisse apna kar aap kisi bhi Competition exam ko aasani se crack kar sakte hai. agar aapko post accha laga to share aur comment karna na bhule , mai aapke liye aisa hi artical lekar aata rahunga.

20 COMMENTS

  1. Nice work B2….. It’s helpful for both new and old students specially new students. …….when i started to read ur article on this important subject i felled like u r writing about my lifestyle .I am impressed with your work….. I hope u got more success in ur field……
    Best of luck.

  2. बहुत बढ़िया पोस्ट सर ! मै आपका बड़ा फैन हु आपकी प्रत्येक नई पोस्ट ध्यान से पढना हु, यह कहने में मुझे कोई हर्ज नही हैं. आपकी वेबसाइट नवींन ज्ञान और अच्छे पाठक अनुभव से इंडिया की सबसे बेहतरीन वेबसाइट में से एक हैं. मैंने भी आप से प्रभावित होकर एक ब्लॉग स्टार्ट किया हैं. मेरे ब्लॉग का पता हैं, हैं. एक बार कृपा कर जरुर देखे और कुछ सुझाव दे|

LEAVE A REPLY

Please enter your comment!
Please enter your name here